Zimurrak (Arrugas Euskera)

Beste Alzheimer krisi bat izan du Emiliok bankuko exekutibo izandako gizona, eta familiak zaharren egoitza batera eraman du. Han jende berria ezagutuko du; bere adineko kideak nor bere ezaugarri klinikoekin eta bere nortasun propioarekin batetik, eta zaintzaileak, bestetik, eta Emiliok haiekin bizitzen ikasiko du. Emilio egunerokotasun geldoan murgilduko da, ordutegi finkoek markatutako errutinari lotuta: botikak hartzeko ordua, siesta, jatorduak, gimnasia, oheratzeko ordua... Migel gelakideak lagunduko dio gaitzaren kontra borrokatzen, memoria ez galtzen ahalegintzen, azken solairura, ezinduenera, eraman ez dezaten. Orain arte komikietan gutxi jorratutako gai kontuzkoak landu ditu Paco Rocak Zimurrak lanean, hala nola Alzheimer gaitza eta zahartzaroko dementzia; baita sentikortasun samurrez landu ere, tarteka umore ukituren batekin, baina sekula karikaturan erori gabe. Sinesgarri egiten da narrazioa, dokumentazio lan zorrotzaren ondorioz, besteak beste. Izan ere, Paco Rocak lagunen gurasoen eta adineko senitartekoen pasadizoak bildu zituen, eta zaharren egoitzetara joan zen hango bizimodua ezagutzearren. Lehen eskuko material horri esker, fikzio sendo bat eraiki du. Zimurrak albumak Komikiaren Sari Nazionala bereganatu zuen 2008. Urtean eta 58.000 ale baino gehiago saldu ditu; zinemarako egokitzapenak, berriz, bi Goya sari lortu zituen Gertaera dramatikoari aurre egin eta txepelkeriak edo pasadizoek gaina har ez dezaten lortzea, horra Rocaren bikaintasuna. [...] Liluratu egiten du, erakarri, entretenitu... tristuraz beteriko xarma hutsa da. Peio H. Riaño. Público Zahartzaroaren kontrako borroka zehaztasun handiz azaltzen du Zimurrak-ek. Armarik gabeko borroka bat, ez malkorik gabea ordea. Yves-Marie Labé. Le Monde

Autores: Paco Roca

ISBN: 9788415685708

Formato: Cartoné

104 páginas.